અનિલ કપૂરની ફિટનેસનો રાઝ સોનમ કપૂરે ખોલ્યો

Cine Gujarati | સિને ગુજરાતી

બોલિવૂડ ઈન્ડસ્ટ્રીમાં જ્યારે પણ કોઈ ફિટ અને હેન્ડસમ એક્ટરનો ઉલ્લેખ કરવામાં આવે છે ત્યારે તેમાં અનિલ કપૂરનું નામ ચોક્કસથી લેવામાં આવે છે. 67 વર્ષની ઉંમરમાં પણ અનિલ કપૂરની ફિટનેસનો કોઈ જવાબ નથી. માત્ર તેનો દેખાવ જ નહીં પરંતુ તેનું વ્યક્તિત્વ અને તેનું શરીર પણ 30-35 વર્ષના છોકરાઓને હરાવી દે છે. આવી સ્થિતિમાં દરેક ચાહકોના મનમાં એક જ સવાલ ઉઠે છે કે, અનિલ કપૂરની ફિટનેસનું રહસ્ય શું છે. જો આ સવાલનો જવાબ જાણવા માગો છો, તો આ રહસ્ય તેની પુત્રી સોનમ કપૂરે પોતે જ જાહેર કર્યું છે. સોનમે જણાવ્યું કે, કેવી રીતે અનિલ કપૂર પોતાની ફિટનેસ જાળવવા માટે પોતાની લાઈફસ્ટાઈલ જાળવે છે.

હાલમાં જ એક ઈન્ટરવ્યુ દરમિયાન સોનમ કપૂરે તેના પિતા અનિલ કપૂર અને કાકાઓની જીવનશૈલી વિશે જણાવ્યું હતું. તેના પરિવારમાં કેવા પ્રકારની પરંપરાનું પાલન કરવામાં આવે છે. પિતા વિશે સોનમ કપૂરે કહ્યું કે, મારા પિતા દારૂ પીતા નથી, સિગારેટ પણ નથી પીતા. આ જ કારણ છે કે, તે આટલો ફિટ અને હેન્ડસમ દેખાય છે. આ સિવાય સોનમે બોની કપૂરની લાઈફસ્ટાઈલ વિશે પણ જણાવ્યું કે, તેને ખાવાનું ખૂબ જ પસંદ છે અને ક્યારેક તે પી પણ લે છે. તે જ સમયે તેના કાકા સંજય કપૂર પણ તેની ફિટનેસને લઈને ખૂબ જ સભાન છે અને તે એકદમ ફિટનેસ ફ્રીક છે.

અનિલ કપૂર માત્ર શરાબ અને સિગારેટથી દૂર જ નથી રહેતો પણ પોતાના ડાયટનું પણ ખાસ ધ્યાન રાખે છે. સોનમે કહ્યું કે, તેની માતા તેની જીવનશૈલી જાળવવા માટે તેના પર ઘણું નિયંત્રણ કરે છે. સોનમ કહે છે કે, તેની માતા સુનીતા કપૂર હંમેશા સ્વાસ્થ્ય પ્રત્યે ખૂબ જ સચેત રહી છે. પપ્પાને ક્યારેક ચીટ મીલ ખાવાનું ગમે છે. પરંતુ મારી માતા એક ભારતીય મહિલા જેવી છે. તેમના આહારનું ખૂબ ધ્યાન રાખે છે. અનિલ કપૂર હાલમાં જ ફિલ્મ એનિમલમાં જોવા મળ્યો હતો, જેમાં તેણે રણબીર કપૂરના પિતાની ભૂમિકા ભજવી હતી, પરંતુ પિતાની ભૂમિકામાં પણ તે એકદમ હેન્ડસમ, હંક અને સ્ટાઇલિશ દેખાતા હતા. આ સિવાય અનિલ તાજેતરમાં સિદ્ધાર્થ આનંદની ફિલ્મ ફાઈટરમાં રિતિક રોશન અને દીપિકા પાદુકોણ સાથે જોવા મળ્યો હતો.