સિને ગુજરાતી
મિર્ઝાપુર 3 પોસ્ટર રિલીઝઃ આખરે ચાહકોની લાંબી રાહ પૂરી થઈ અને ‘મિર્ઝાપુર 3‘નું પોસ્ટર રિલીઝ થઈ ગયું છે. જ્યારથી એમેઝોન પ્રાઇમ વિડિયોએ જાહેરાત કરી હતી કે 19 માર્ચે કંઈક મોટું થવાનું છે, ચાહકો આ અપડેટ જાણવા માંગે છે. મંગળવારે પ્રાઇમ વીડિયોએ 2024માં આવનારા શો અને ફિલ્મો વિશે માહિતી આપી હતી. જેમ જેમ સોશિયલ મીડિયા પર પોસ્ટ્સ આવવા લાગી, લોકોની ઉત્સુકતા વધી રહી હતી પરંતુ બધા ‘મિર્ઝાપુર’ સીઝન 3ની રાહ જોઈ રહ્યા હતા.
સત્તા માટે યુદ્ધ થશે
રિલીઝ થયેલા પોસ્ટરમાં સિંહાસનને આગ લાગી છે અને નીચે ઘણા મૃતદેહો પડ્યા છે. પોસ્ટર જોઈને સ્પષ્ટ થાય છે કે સત્તા માટેની આ લડાઈ અલગ તબક્કામાં જોવા મળશે. આ સાથેના કેપ્શનમાં લખ્યું છે, ‘ગાદી પર પોતાનો દાવો રજૂ કરતી વખતે, ગુડ્ડુ અને ગોલુ એક નવા દાવેદાર સામે છે. શું તેઓ આ અગ્નિ પરીક્ષામાંથી પસાર થશે કે પછી બહારની શક્તિઓ સત્તાના આ સિંહાસનને હંમેશ માટે નષ્ટ કરશે? આ સિઝનના મુખ્ય કલાકારોમાં પંકજ ત્રિપાઠી, અલી ફઝલ, શ્વેતા ત્રિપાઠી શર્મા, રસિકા દુગ્ગલ, વિજય વર્મા, હર્ષિતા ગૌર, અંજુમન શર્મા, પ્રિયાંશુ પૈન્યુલી, શીબા ચઢ્ઢા, રાજેશ તૈલાંગ અને માનુષિ ચઢ્ઢાનો સમાવેશ થાય છે. પોસ્ટરની સાથે રિલીઝ ડેટ વિશે કોઈ માહિતી આપવામાં આવી નથી. તેમજ મુન્ના ભૈયા એટલે કે દિવ્યેન્દુ શર્માનું નામ કાસ્ટિંગમાં નથી.
પણ સમગ્ર સીરિઝ એક નવી દિશામાં જશે એ નક્કી છે. પણ વૉર પાછળના વિષયો બદલી શકે છે. જોવાનું એ રહે છે કે, આ વખતેના એપિસોડની શરૂઆત કેવી રીતે થાય છે. પણ વાર્તામાં કંઈક તો સસ્પેન્સ જોવા મળશે. સત્તા અને સંપત્તિ પાછળની દોડમાં બીજા કેટલા નવા ચહેરા હોમાશે. એ જોવાનું છે. પણ ગુડ્ડુ અને ગજગામીની જોડી હજું કઈ હદનું એક્શન આપશે એ જોવાનું છે. બીજી તરફ મિર્ઝાપુરની ગાદી પાછળ છુપા ચહેરા ક્યા છે એ પણ છતા થશે.
Mirzapur3, Web Series, Prime Video, Amazon, Cine Gujarati